“Их засаг” ОУИС: Дотооддоо гаргасан зөвлөмжийн утгыг албаар өөрчилж биднийг харлуулах гэж оролджээ

Нийгмийн сүлжээнд “Их засаг” ОУИС-ийн удирдлага “Их засаг” гэх телевизээ байнга үзэхийг шаардаж байна. Мөн үзэж байгаа эсэхийг шалгана гэх утгатай гишүүн байгууллагууд руу илгээсэн гэх албан бичиг нийтлэгдсэн.

Тэгвэл энэ талаар “Их засаг” сургуулиас тайлбар хийж,  дотооддоо гаргасан зөвлөмжийн утгыг өөрчилж нийтэд гаргасанд харамсаж байгаагаа илэрхийлсэн байна.

Их засаг ОУИС нь 2023-2024 оны хичээлийн жилд сургуулийнхаа  30 жилийн ой угтсан арга хэмжээний хүрээнд сургуулийн BRAND BOOK шинэчлэн хэрэглээнд нэвтрүүлж, сургуулийн лого, албан хэрэглээний бланк, хэвлэмэл хуудсыг өөрчилсөн шинэчилжээ.

Цахим орчинд тарсан бичиг нь тус сургуулийн өнгөрсөн жилүүдэд хэрэглэгдэж байсан хуучин лого бүхий хуучин бланк дээр хийгдсэн байсан нь ИЗОУИС-ийн одоо ашиглагдаж буй тамга тэмдэгтэй албан ёсны бичиг баримт биш гэдгийг нотолж байгаа аж.