“Би ч гэсэн жаргамаар байна” уянгын драмын жүжиг ирэх сарын 2-ноос үзэгчдэд хүрнэ

Улсын драмын эрдмийн театрын хамт олон В.Красногоровын “Би ч гэсэн жаргамаар байна” уянгын драмын жүжгийг арваннэгдүгээр сараас үзэгчдийн хүртээл болгоно. Тодруулбал, тус жүжиг арваннэгдүгээр сарын 2,3,4,5 -нд Хүүхэлдэйн театрт тоглоно.

Жүжгийн Ерөнхий найруулагчаар Төрийн соёрхолт, Монгол Улсын Урлагийн гавьяат зүтгэлтэн Н.Наранбаатар ажиллажээ. Гол дүрд МУГЖ С.Болд-Эрдэнэ, Соёлын тэргүүний ажилтан Н.Ялалт, МУГЖ Ж.Оюундарь, МУСТА М.Тогтохжаргал гэсэн ур чадвараараа хэдийнээ олны танил болсон жүжигчид тоглож байна.

Нэгэн амралтын өдөр гэр бүлийн хоёр хуримын ойгоо тэмдэглэхээр дотны найзуудаа гэртээ урьж буйгаар энэхүү жүжиг эхэлдэг. Гэтэл тэднийд уригдсан хоёр нь үнэндээ эхнэрийнх нь сайн найз дүү бүсгүй, нөхрийн сайн найз дүү залуу хоёр бус, харин нууц амрагууд нь байна. Үнэн хэрэгтээ эхнэр нөхөр хоёрын тэмдэглэлт хуримын ой ч гэсэн хэн хэнээсээ уйдсан хоёрын уйтгартай амьдралын инээдэмтэй жүжиг байжээ…

Ерөнхий продюсер: Д.Цэрэнсамбуу /МУУГЗ/

Ерөнхий найруулагч: Н.Наранбаатар /ТС, МУУГЗ/

Ерөнхий зураач: Т.Ганхуяг /МУУГЗ/

Туслах найруулагч: С.Ариунжаргал /МУСТА/, Б.Сандуйжав /МУСТА/

Дууны найруулагч: Т.Майдаржав

Маркетингийн баг: С.Энхболд /МУСТА/, З.Халиун, А.Халиун

Дүрүүдэд:

Нөхөр – С.Болд-Эрдэнэ /МУГЖ/, Н.Ялалт /СТА/

Эхнэр – Ж.Оюундарь /МУГЖ/

Эхнэрийн найз – М.Тогтохжаргал /МУСТА/

Нөхрийн найз – Г.Ганбат

Тасалбар захиалах линк:https://ticket.mn/event/1812/?fbclid=IwAR2qgOYabwjQttRtf_va03-_UFAy2YTVAEnB33IT6ogqt6rzuDkKchT0xSY