Б.Бат-Эрдэнэ: Өвлийн аялал жуулчлалыг сурталчлах хүрээнд Монголд 6 баг ирэхээр бэлтгэгдэж байна

Засгийн газрын хуралдааны шийдвэрүүдийг танилцуулах үеэр БОАЖ-ын сайд Б.Бат-Эрдэнэ   Өвлийн аялал жуулчлалтай холбоотой мэдээллийг өглөө.

Тэрээр, “2023 оны аравдугаар сарын 18-нд БНХАУ-тай хил орчмын аялал жуулчлалын хэлэлцээрийг албан ёсоор байгууллаа. Ингэснээр аялал жуулчлалын томоохон урсгал орж ирнэ гэдэг тооцоо төлөвлөгөөтэй байна.

Аравдугаар сард Их цайны зам буюу Монгол, БНХАУ, ОХУ-ын хамтарсан торгоны замыг буцаан сэргээх ажлууд хэлэлцээрийн түвшинд амжилттай хийгдлээ.

11 дүгээр сард өвлийн аялал жуулчлалыг, 2024 оны хоёрдугаар сард цагаан сарыг сурталчлах инфлүэнсерүүдийн баг ирэхээр бэлтгэгдэж байна. 2023-2024 онд нийт зургаан удаагийн багийг авчрахаар төлөвлөж байгаа.

Өнгөрсөн хугацаанд Монгол Улсын талаарх мэдээлэл дэлхийн 500 орчим сая хүнд хүрч, 2019 онд ирсэн жуулчдын тоог давсан үзүүлэлтэд хүрлээ.