Д.Мөнхбат: Намайг гоц халдварт өвчин тараасан гэх зүйл ангиар яллагдагчаар татсан
Эх орондоо эрүүл ирээд, “Энхсаран” сувилалаас халдвар авсан талаараа олон нийтэд мэдээлсэн иргэн Д.Мөнхбатыг яллагдагчаар татсан талаар бид мэдээлсэн. Тэгвэл тэрбээр ямар шалтгаанаар яллагдагчаар татсан талаар хэвлэлд мэдээлэл өглөө.
Иргэн Д.Мөнхбат “Би БНСУ-аас ирээд “Энхсаран” сувилалд тусгаарлагдсан. Монгол болон Солонгост нийт дөрвөн удаа шинжилгээ өгсөн, бүгд сөрөг гарсан. 21 хоног тусгаарлагдаад “Энхсаран”-гаас гартал 22 дахь хоног дээрээ халдвартай гэж гарсан. Энэ бол яах аргагүй тус сувиллаас халдвар авсны нотолгоо. Ариутгал, халдваргүйжүүлэлт, зохион байгуулалт муу байсантай шууд холбоотой. Энэ талаараа лайв хийтэл намайг олон нийтийг төөрөгдүүлсэн мэдээлэл хийсэн гэж Зөрчлийн хуулиар 500 мянган төгрөгөөр торгосон.
Төөрөгдүүлсэн гэх нотлох баримт нь хаана байгаа юм бэ? Би үүнийг эсэргүүцэж шүүхэд хандсан ч шүүх хурлын тов одоогоор гараагүй байна. Торгууль тавьсны дараа цагдаагийн байгууллагаас дуудаж, гэрчийн мэдүүлэг авсан. Гэтэл тун удалгүй гуравдугаар сарын 24-ний өдөр прокуророос Эрүүгийн хуулийн 15.6.1 эрх бүхий байгууллагын шийдвэр, заавар, зөвлөмжийг зориоуд санаатайгаар эсэргүүцэж, биелүүлэгүйн улмаас бусдад гоц халдварт өвчин тараасан гэсэн зүйл заалтаар яллагдагчаар татсан тогтоол гарсан байна
Төр засаг өөрийн буруутай ажиллагаагаа хүлээхгүй байна.Энэ зөвхөн миний асуудал биш.Үүнтэй иргэд тэмцэх хэрэгтэй” гэлээ.
