Тээврийн хэрэгслийн цахим гэрчилгээг харьяалал харгалзахгүй үнэ төлбөргүй нааж байна

Тээврийн хэрэгслийн цахим гэрчилгээг харьяалал харгалзахгүй, үнэ төлбөргүй нааж байна.

“Автотээврийн үндэсний төв” ТӨҮГ-ын харьяа техникийн хяналтын үзлэгийн төвүүд дээр очиж RFID буюу цахим гэрчилгээгээ наалгаарай.

Орон нутагт 2023 оны арваннэгдүгээр сарын 1-нээс RFID буюу тээврийн хэрэгслийн цахим гэрчилгээг олгох ажлыг эхлүүлжээ. Сум, багийн иргэд аймгийн төв рүү очиж, наалгаж болно.

Аймгуудын техникийн хяналтын оношилгооны төвүүдэд тээврийн хэрэгслийн цахим гэрчилгээг наах ажил 2024 оны хоёрдугаар сар хүртэл үргэлжилнэ. Харин гуравдугаар сараас АТҮТ-ийн явуулын оношилгоонууд сум, багаар явж тээврийн хэрэгслийн цахим гэрчилгээг наах ажлыг зохион байгуулах аж.

Тээврийн хэрэгслийн гэрчилгээг өнгөрсөн аравдугаар сард E-Mongolia системд бүртгэсэн учир цаасан гэрчилгээ шаардахгүй. Тэгэхээр цахим системд л бүртгүүлээгүй бол цаасан гэрчилгээгээ авч очно.