Баянхошуу орчмын агаар хамгийн их бохирдолтой байна

Цаг уур, орчны шинжилгээний газраас Улаанбаатар хотын агаарын чанарын өнгөрсөн долоо хоногийн /2023 оны арваннэгдүгээр сарын 13-19-ний өдөр/ мэдээг өчигдөр танилцууллаа. Улаанбаатар хотын агаарт түгээмэл бохирдуулах бодис хүхэрлэг хий /SO2/, азотын давхар исэл /NO2/, тоосонцор /PM10, PM2.5/, нүүрстөрөгчийн дутуу исэл /CO/, озон /O3/-ны агууламжийг тодорхойлсон байна.

Улаанбаатар хотын агаарын чанарын индексийн мэдээгээр 2023 оны арваннэгдүгээр сарын 13-19-ний өдрүүдэд 100-н айл, Цахилгаан станц, Шархад, Зайсан, Толгойт, Нисэх, Налайх, Мишээл экспо, 13-р хороолол, Амгалан, Ургах наран хороолол, 5-н буудал, Баруун 4-н зам орчим “Бага бохирдолтой” байна. Харин зарим өдөр Нэгдүгээр хороолол, Зурагт, Хайлааст орчим “Бохирдолтой”, Баянхошуу орчим “Их бохирдолтой” түвшинд хүрсэн байна.