СЭРЭМЖЛҮҮЛЭГ: Хамт архидан согтуурч байхдаа нэгнээ хутгалаад зугтсан хэрэг гарчээ

Цагдаагийн байгууллагад энэ сарын 19-ний өдөр СХД-ийн 30-р хорооны нутаг дэвсгэрт байрлах хотхоноос дуудлага мэдээлэл өгөхөөр холбогдсон ч утас тасарч, байршил, үйл явдал тодорхой бус мэдээлэл ирсний дагуу СХД-ийн Цагдаагийн III хэлтсийн алба хаагчид шуурхай ажиллажээ.

Тус хорооны нутаг дэвсгэрт иргэн Ө-г 26 настай, эрэгтэй Л гэгч нь хамт архидан согтуурах үйл явцдаа үл ялих шалтгаанаар хэвлийн тус газарт нь хутгалж хэргийн газраас оргон зайлсан байсныг шуурхай илрүүлж, эрэн сурвалжлан олж тогтоон хойшлуулшгүй ажиллагааг хийж байна. Мөн хохирогчид яаралтай эмнэлгийн тусламж үзүүлсэн байна.

Иймд иргэд та бүхэн архи, согтууруулах ундааны зохисгүй хэрэглээнээс татгалзаж, үүсэж болзошгүй эрсдэлээс сэргийлэхийг анхааруулъя.