С.Амарсайхан: Халдварын улмаас амиа алдсан иргэдийн ар гэрийнхэнд гүн ЭМГЭНЭЛ илэрхийлье

4 дүгээр сарын 10-ны өдрийн 06.00 цагаас 4 дүгээр сарын 25-ны өдрийн 00.00 цаг хүртэл улсын хэмжээнд бүх нийтийн бэлэн байдлын зэрэгт хэсэгчилсэн байдлаар шилжүүлж, Улаанбаатар хотод хатуу хөл хорио тогтоогоод байна.

Харин коронавирусийн халдвар авсан иргэд өдөрт мянга гаруй бүртгэгдэж, нас баралт нэмэгдэх төлөвтэй болоод байна. Өнгөрсөн долоо хоногийн хугацаанд гэхэд улсын хэмжээнд 6966 иргэн халдвар авсны 90 хувь нь Улаанбаатар хотод байгаа юм. Харамсалтай нь сүүлийн долоо хоногт коронавирусийн улмаас 27 хүн амиа алдаад байна. Иймд Шадар сайд, Улсын онцгой комиссын дарга С.Амарсайхан халдварын улмаас иргэд нас барсан иргэдийн ар гэрийнхэнд эмгэнэл илэрхийллээ.