Хоёрдугаар сарын 1-нээс автобусны зорчигчдийг тоолох систем нэвтэрнэ

Нийтийн тээврийн шинэ маршрутыг Хотын дарга Х.Нямбаатар танилцуулж байна. Энэ үеэр автобусаар зорчих тарифыг шинэчлэх талаар ярилаа.

Тэрбээр “Нийтийн тээврийн автобусны шинэ маршрут, төлбөр тооцоо, автобусанд орж байгаа хүмүүсийг тоолж, Нийтийн Тээврийн Газар, автобусны компани хоёрын хоорондын тооцоог үнэн бодитой гаргах программ хангамжийг хийхээр ажлын даалгаврыг бэлэн болгосон. Уг системийг ирэх оны хоёрдугаар сарын 1-нд нэвтрүүлэхээр төлөвлөж байна.Нийтийн тээврийн автобусанд суусан төлбөрийг иргэд бүх төрлөөр төлөх боломжтой болно. Иргэд заавал смарт карт уншуулах шаардлагагүй. Өөрт байгаа банкны цахим хэтэвч, бүх төрлийн цахим карт, Токи апп зэргээр автобусны мөнгөө төлөх системийг нэвтрүүлнэ.Нийтийн тээврээр зорчих тарифыг шинэчилнэ. Нэг хүн өдөрт нэг л удаа мөнгөө төлөөд дөрвөн удаа зорчих тогтолцоотой болно.Харин үнэгүй үйлчлүүлдэг ахмадууд, хөгжлийн бэрхшээлтэй иргэн, оюутан, хүүхэд өөрсдийн салбарын картаа авч заавал уншуулна. Эдгээр хүмүүс картаараа мөн ялгаагүй дөрвөн удаа зорчих эрхтэй байна. Нийслэлийн программаас эдгээр иргэний картыг дөрвөн удаа зорчих байдлаар цэнэглэж өгөхөөр тохируулчихна.Хөдөөнөөс ирсэн ахмадууд Улаанбаатарт ирээд нийслэлийн нийтийн тээврээр зорчих тохиолдолд бүртгүүлж, Нийтийн тээврийн газраас карт авна. Ингэснээр хуулийн дагуу орон нутгийн байгууллагаас зорчсон мөнгийг нэхэмжилж авна.Автобусны орлогыг Нийтийн тээврийн санд төвлөрүүлнэ” гэв.