САНАЛ АСУУЛГА: Санал өгсөн иргэдийн 54 хувь нь хатуу хөл хориог сунгахыг ДЭМЖСЭНГҮЙ

Засгийн газраас дөрөвдүгээр сарын 10-25-ныг хүртэл хатуу хөл хориог тогтоох шийдвэр гаргасан. Хөл хорионы үед халдварын тоо өндөр хэвээр, нас баралт ихсэж байгаа учир хатуу хөл хориог 7-14 хоног сунгах саналаа Эрүүл мэндийн яамнаас гаргасан.

Үүнтэй холбоотойгоор ivoice.mn сайтын зүгээс хатуу хөл хориог сунгахыг дэмжиж байгаа эсэх санал асуулгыг иргэдийн дунд явууллаа.

Өнөөдөр буюу 4-р сарын 21-ний 14:00 цагаас 15:00 цагийн хооронд ivoice.mn цахим хуудсаар дамжуулан “Хатуу хөл хориог сунгахыг дэмжих үү” санал асуулга явуулахад санал өгсөн иргэдийн 54,05 хувь нь дэмжихгүй, 45,95 хувь нь дэмжиж байна гэсэн дүн гарчээ.