Энэ намар “iPhone 16” худалдаанд гарax төлөвтэй байна
“iPhone 16”-ийн тухай цуу яриа хэдийнээ дэгдээд байгаа билээ. “iPhone 16”–г iPhone 15-тай харьцуулахад илүү том өөрчлөлтүүдийг хүлээж байгаа билээ.
iPhone 16: Гарах хугацаа
“Apple” энэ намар “iPhone 16” загвараа зарлаж, худалдаанд гаргах төлөвтэй байна. 2020 оны аравдугаар сард “iPhone 12” худалдаанд гарахад үүссэн шиг ямар нэгэн саатал гарахгүй бол “iPhone 16” болон “iPhone 16 Pro” загваруудыг есдүгээр сард худалдаанд гаргах нь тодорхой.
iPhone 16: үнэ
Хэдийгээр “iPhone 15”-ийн үнэ өснө гэж таамаглаж байсан ч энэ нь “iPhone 15 Pro Max” загвараас бусдынх үнэнд өөрчлөлт ороогүй. Гэхдээ “iPhone 16”-ийн бүх загварын үнэ бага зэрэг нэмэгдэх магадлалтай.
iPhone 16: дизайн
“iPhone 16 Pro” болон “iPhone 16 Pro Max”-ийн дизайн төдийлөн өөрчлөгдөхгүй байж магадгүй. Учир нь, “Apple” “iPhone 15 Pro”-д оруулсан өөрчлөлтдөө сэтгэл хангалуун байгаа бололтой. Гэсэн хэдий ч “iPhone 16 Pro” болон “iPhone 16 Pro Max” нь шинэ “Capture” товчлууртай болж байгаа бололтой. Стандарт “iPhone 16” загвар нь бүдэг ягаан, шар, ногоон, цэнхэр өнгөтэй байж магадгүй. “IPhone 16 Pro” дахин титан ашиглах бөгөөд энэ удаад “Цагаан титан” хэмээх шинэ өнгө гарч магадгүй гэнэ. “Apple” мөн “iPhone 16”-ийн микрофонуудыг сайжруулж байгаа гэсэн мэдээлэл байна.
iPhone 16: дэлгэц
“iPhone 16 Pro” загваруудын дэлгэцийн хэмжээнд зарим өөрчлөлт орж магадгүй. Гэсэн хэдий ч “iPhone 16”-ийн стандарт хувилбарууд хэвээр байна. “iPhone 16 Pro”-ийн дэлгэцийг одоогийн 6.1 инчээс 6.3 инч хүртэл нэмэгдүүлж магадгүй гэнэ. “Apple”-ийн хүрээг багасгах боловч бодит давуу тал нь Pro загваруудад илүү тод харагдах аж. Apple компани дэлгэцийн эргэн тойрон дахь хар хүрээний хэмжээг багасгах боломжийг олгодог “Border Reduction Structure” (BRS) хэмээх шинэ дэлгэцийн технологийг ашиглаж байгаа тухай мэдээлэл гарчээ.
iPhone 16: батерей
“iPhone 16” болон “iPhone 16 Pro Max” нь өмнөх загвараасаа илүү том батерейтай байж магадгүй гэнэ.”Pro Max” загвар нь L хэлбэрийн батерейны загвар ашиглахаа больж, “iPhone 16, 16 Plus”-тай адил тэгш өнцөгт хэлбэртэй болно.
