Б.Болдсайхан эмч Ерөнхийлөгчийн сонгуулийн сунгаанд өрсөлдөхөө мэдэгдлээ

“Зөв ХҮН электорат” эвслээс  эхлүүлсэн “Ерөнхийлөгчөө захиалъя” аяны хүрээнд 17 мянга гаруй иргэнээс Ерөнхийлөгчид нэр дэвшүүлэх боломжтой гэж үзсэн 141 хүнээ санал болгоод байгаа.

Тодруулбал, эдийн засагч Д.Жаргалсайхан, нийтлэлч Баабар, “Датаком”-ын Д.Энхбат, Б.Болдсайхан эмч, УИХ-ын гишүүн асан Ц.Оюунгэрэл нарын таван хүнд тус эвслээс Ерөнхийлөгчийн сонгуульд нэрээ дэвшүүлэх хүсэлтийг албан ёсоор тавьсан бол одоогоор Д.Жаргалсайхан татгалзсан хариу өгчээ.

Харин Д.Энхбат уг хүсэлтийг хүлээн авч буйгаа мэдэгдсэн бол “Улаанбаатар Сонгдо” эмнэлгийн ерөнхий захирал, зүрхний мэс заслын их эмч Б.Болдсайхан мөн уг хүсэлтийг зөвшөөрчээ.