С.Ганбаатар: Ерөнхийлөгчийг ард түмэн ажилтай, орлоготой байлгаарай гэснээс мод тариарай гэж сонгоогүй
УИХ-ын 2022 оны намрын чуулган аравдугаар сарын 3-ны өдөр нээлтээ хийж, хэд хэдэн онцлох асуудлыг хөндсөн. Тэр дундаа халамжийн бодлого, хөдөлмөр эрхлэлтийн асуудал олны анхаарлыг татаад буй.
Тэгвэл УИХ-ын гишүүн С.Ганбаатар намрын чуулганаар хэлэлцэх асуудлын талаар өөрийн байр сууриа илэрхийлжээ.
Тэрбээр, “Ард түмний амьжиргаа маш хүнд нөхцөлд байхад хөдөлмөр эрхлэлтийн талаар төсөвт юу ч тусгаагүй байна. МУ-ын Ерөнхийлөгч, Ерөнхий сайдад ард түмэн ялалтыг өгөхдөө ажилтай, орлоготой болгоорой гэж захисан. Түүнээс мод тариарай гэж захиагүй. Би мод тарихыг эсэргүүцсэнгүй. Мод тариад хүмүүсийг ажилгүй, орлогогүй битгий орхигдуулаач гэж хүсэж байна. Өнөөдөр төрийн алба хаагчын цалин маш дорой байна. Цэцэрлэгийн тогооч багшийн цалин 400 мянга л байна. Ирэх оноос амьдрал бүүр хүндрэх байх. Өнөөдөр Монгол улсын хөдөлмөрийн асуудал ичмээр байдал байна. Хөдөлмөрийн асуудал бол Ерөнхий сайдын асуудал шүү дээ” гэв.
