Баяр наадмын өдрүүдэд нэмэлт галт тэрэг үйлчилнэ

Үндэсний их баяр наадмын өдрүүдэд буюу 2023 оны долоодугаар сарын 11, 12-ны өдрүүдэд нэмэлт галт тэрэг аялуулахаар болсон талаар Улаанбаатар Төмөр зам ХНН-ээс мэдээллээ. Тодруулбал, Улаанбаатар-Давааны-Улаанбаатар чиглэлд нийтийн гурван вагонтой зорчигчийн галт тэргийг доорх цагийн хуваарийн дагуу аялуулах юм.

Улаанбаатараас галт тэрэг 09.00, 14.30, 19.00 цагуудад Давааны өртөө рүү хөдлөх бөгөөд Давааны өртөөгөөс Улаанбаатар руу 12.30, 16.40, 21.25 цагаас хөдөлнө.