СОЁЛЫН ЯАМ: Манайх Б.Бат-Энэрэлд СТА цол олгоогүй

Дуучин Б.Бат-Энэрэлд “Талархал” уран бүтээлийн тоглолтынх нь үеэр МУСТА цол тэмдэг олгосон нь олны шүүмжлэлийг дагуулаад буй. Тухайлбал зарим иргэд бага насны хүүхдэд ахадсан цол тэмдэг өглөө гэсэн бол зарим хүмүүс авьяастай хүнд өгдөг шагнал юм бол өгөх нь зөв гээд байгаа юм.

Тэгвэл Соёлын яамнаас мэдээлснээр “Манай яам Б.Бат-Энэрэлд МУСТА цол олгоогүй” гэлээ.

Эх сурвалжийн мэдээлж буйгаар тоглолт зохион байгуулагчид нь СТА авах хүсэлтээ Соёлын яаманд хүргүүлжээ. Харин цол тэмдэг нь тоглолтынх нь өмнө гарч амжаагүй тул тоглолт зохион байгуулагчид нь өөрсдөдөө байсан цол, тэмдгийг олгосон байжээ.