Улсын нийт гадаад өр өмнөх оны мөн үеэс 1.5 тэрбум ам.доллароор өсжээ

Улсын нийт гадаад өр 2022 оны эхний улиралд өмнөх оны мөн үеэс 1.5 тэрбум ам.доллароор өссөнийг Үндэсний статистикийн хорооноос мэдээллээ. 

Тодруулбал, нийт гадаад өр 2022 оны эхний улиралд 33.9 тэрбум ам.доллар болж, өмнөх оны мөн үеэс 1.5 (4.6%) тэрбум ам.доллароор, өмнөх улирлаас 87.8 (0.3%) сая ам.доллароор өссөн байна.

Нийт гадаад өрийг харвал:

• 12.6 тэрбум ам.доллар буюу 37.1 хувийг шууд хөрөнгө оруулалт, компани хоорондын зээллэг
• 8.9 тэрбум ам.доллар буюу 26.3 хувийг бусад салбарынх,
• 8.4 тэрбум ам.доллар буюу 24.7 хувийг Засгийн газрынх
• 2.6 тэрбум ам.доллар буюу 7.7 хувийг Төв банкных,
• 1.4 тэрбум ам.доллар буюу 4.2 хувийг Төв банкнаас бусад хадгаламжийн байгууллагынх байна.