ДОРНЫН ЗУРХАЙ: Үс засуулбал идээ ундаа элбэг олдоно

2022.08.18 / ПҮРЭВ ГАРАГ / БИЛГИЙН ТООЛЛЫН 22

ЗУНЫ АДАГ УЛААГЧИН ХОНЬ САРЫН ДОЛООН УЛААН ХАРАГЧИН ТУУЛАЙ ӨДӨР

• Үс засуулвал: Идээ ундаа элбэг олдоно
• Наран ургах, шингэх: 05.51-20.01
• Барилдлага: Хүчин төгсөх
• Шүтэн барилдлага: Хуран үйлдэхүй
• Суудал: Огторгуй

Аргын тооллын 8 сарын 18, Бархасвадь гараг. Гоё хүүхэн одтой, харагчин туулай өдөр. Энэ өдөр гахай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, гарагийг тахих, мал аж ахуйн үйл, удирдлагын суудалд суух, хийморийн дарцаг хатгахад сайн. Газар хагалах, ус булгийн эх малтах, улаа гаргах, хиншүү хярвас гаргах, уул овоо тахихад муу.

Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олно.