Голд унаж, бургаснаас зүүгдэн эсэн мэнд үлджээ

Нийслэлийн Хан-Уул дүүргийн 8 дугаар хороо, “Сонсголон”-гийн гүүрний  зүүн талд дөрвөн хүүхэд “Туул” голын эрэг дээр тоглож байснаас нэг хүүхэд голын усанд живэн 07.26-ны өдрийн 19:01 цагт ОБЕГ-т дуудлага өгсөн байна.

Нийслэлийн Аврах ангийн алба хаагчдыг очиход 15 настай, эрэгтэй живж байхдаа голын эргийн бургаснаас зүүгдсэн байсныг 19:54 цагт эсэн мэнд гаргажээ.