Б.Ганхуяг, Т.Аюурсайхан нарын шүүх хурал хаалттай үргэлжилнэ

Нүүрсний гэх тодотголтой 11 хүнд холбогдох хэргийн шүүх хурал өчигдөр /2024.01.15/ 09.00 цагт Баянзүрх, Чингэлтэй, Сүхбаатар дүүргийн шүүхэд эхэлсэн бөгөөд үдээс хойш шүүх хуралдаан хаалттай үргэлжилсэн юм. Тиймээс өнөөдөр мөн хаалттайгаар үргэлжлэхээр товложээ.

“Нүүрсний” гэх тодотголтой хэрэгт Т.Аюурсайхан, Б.Ганхуяг нарын 11 хүнийг Авлигатай тэмцэх газраас шалган, хэргийг нь өнгөрсөн наймдугаар сард прокурорт шилжүүлснээр шүүхэд шилжсэн юм.

Т.Аюурсайханыг гэмт бүлэглэл байгуулсан, үндэслэлгүйгээр хөрөнгөжсөн, албан тушаалын байдлаа хэтрүүлсэн зэрэг үндэслэлээр буруутган яллаж байгаа бол Б.Ганхуягийг албан тушаалын байдлаа урвуулан ашигласан, үндэслэлгүйгээр хөрөнгөжсөн гэж яллаж буй. Шүүх хурал тодорхой шалтгааны улмаас нийтдээ таван удаа хойшилж, он дамнан өнөөдөр үргэлжилж байна.