ОХУ-ын Хойд Солонгостой хамтарсан цэргийн бүрэлдэхүүн дайнд оролцож эхэллээ

Украины Хуурамч мэдээлэлтэй тэмцэх төвийн дарга Андрей Коваленко Хойд Солонгос болон ОХУ-ын хамтарсан цэргийн бүрэлдэхүүн  Курск мужид анхны дайнд оролцлоо хэмээн мэдэгдлээ.

Тодруулбал өнгөрсөн долоо хоногт Украины цэргийн тагнуулын мэдээлснээр, Хойд Солонгосын 500 офицер, гурван генерал Орос руу илгээгдсэн бөгөөд зарим анги нь Курск мужид байршсан байна. Түүнчлэн Өмнөд Солонгосын Батлан хамгаалахын сайд Ким Ён Хён болон тус улсад айлчилж буй ЕХ-ны гадаад бодлогын тэргүүн Жозеп Боррел нар Сөүлд уулзах үеэрээ Хойд Солонгос цэргээ илгээсэн тухай мэдээлэлд ноцтой санаа зовниж буйгаа илэрхийлж, үүнийг хатуу зэмлэн буруушаасан гэж Өмнөд Солонгосын мэдэгдэлд дурджээ.