Урд хөрш хилээ хаасантай холбоотой авах арга хэмжээг ЗГ-ын хуралдаанаар хэлэлцэж байна
Засгийн газрын ээлжит хуралдаан үргэлжилж байна. Өнөөдрийн хуралдаанаар
- Коронавируст халдвар цар тахлын нөхцөл байдал, авч хэрэгжүүлж байгаа шуурхай хариу арга хэмжээ,
- Авлигын эсрэг ажлын хэсгийн мэдээлэл,
- Тавантолгой дулааны цахилгаан станц төслийн явц,
- Их, дээд сургуулийг “Сургалт-эрдэм шинжилгээ-үйлдвэрлэлийн цогцолбор” болгон орон нутагт хөгжүүлэх тухай,
- Импортын гол нэрийн хүнсний бүтээгдэхүүний хангамж нөөцийн талаар зэрэг 20 асуудал хэлэлцэхээр төлөвлөжээ.
Өнөөдрийн хэлэлцэх гол асуудлын нэг нь БНХАУ хилээ хааж, Эрээн хот тэг зогсолт хийсэнтэй холбоотойгоор манай улсын импортын үйл ажиллагаа бүрэн зогсож, хил дээр ачаа бараа саатсан асуудал. Дээрх асуудалтай холбоотой асуудлыг Засгийн газрын өнөөдрийн хуралдаанаар хэлэлцэхээр товлосон байна.
