“Омикрон” халдвараас Файзер вакцины бүүстэр тун 90 хувь хамгаалж байна

Файзер вакцины гурав дахь тун тариулсан хүмүүс омикрон хувилбар тусахгүй байгаа талаар Израилийн Эрүүл мэндийн сайд Нитзан Хоровиц мэдээлжээ.

Ноён Хоровиц хэлэхдээ “Ойрын өдрүүдэд бид омикроны эсрэг вакцины үр дүнтэй байдлын талаар илүү үнэн зөв мэдээлэл авах болно. Гурав дахь тунгийн вакцин хийлгэсэн хүмүүс энэ хувилбараас хамгаалагдах болно. Омикроны халдвараас Файзер вакцины бүүстэр тун 90 хувь хамгаалж байгаа” гэжээ.

Мөн хамгийн сүүлийн үеийн судалгаагаар омикрон хувилбарын халдварлах чадвар дельта хувилбараас 1.2 дахин өндөр байгааг тогтоосон байна.

Эх сурвалж: standard.co.uk