Спорт цогцолборын мөсөн талбайн ажил эхэлжээ

Нийслэлийн Чингэлтэй дүүргийн 10 дугаар хорооны нутаг дэвсгэр, Дэнжийн мянгын 39 дүгээр сургуулийн хойд талд байрладаг 1000 хүний суудалтай спорт цогцолборын мөсөн талбайн ажил эхэлжээ.

Уг мөсөн талбайг ОХУ-аас мэргэжилтнүүд хүрэлцэн ирж, Чингэлтэй дүүргийн БТСГ-ын мэргэжилтнүүдтэй хамтран мөс тавих ажлыг гүйцэтгэж байна. Энэхүү байгууламжийг улсын төсвийн хөрөнгө оруулалтаар барьсан, А, Б блоктой юм.

Тодруулбал, спорт заал, усан бассейн, оффис, мөсөн талбай гэсэн үндсэн хэсэгтэй. Өнгөрсөн зун оффисын хэсэг болон спорт заал, гурван зам бүхий 25 метрийн усан бассейныг ашиглалтад оруулжээ.