Украины дайны улмаас Финланд Швед улсууд тун удахгүй НАТО-д элсэж магадгүй
ОХУ Украинд цэргээ оруулж дайн эхлүүлсний дараа Финланд болон Швед улсууд тун удахгүй НАТО-д элсэж магадгүй болжээ. НАТО-гийн албан тушаалтан “CNN” агентлагт хэлэхдээ Швед, Финланд улсуудын төлөөлөгч нартай холбоонд элсэх талаар хэлэлцээрийг нухацтай хийж байгаа хэмээсэн байна.
Украины дайны дараа тус улсуудын иргэд НАТО-д элсэхийг илүү их дэмжих болсон аж. Финланд улсын Ерөнхий сайд асан “CNN” агентлагт хэлэхдээ НАТО-д элсэх шийдвэр ОХУ Украин руу цэргээ оруулсан өдөр буюу хоёрдугаар сарын 24-ны өдөр шийдэгдсэн гэжээ. Владимир Путин НАТО-г баруун зүгт тэлэхээ зогсоож, шинэ гишүүн элсүүлэхгүй байхыг шаардсан ч Украины дайн тус холбооны нэгдмэл байдлыг улам бататгалаа.
Эх сурвалж: CNN
Б.БУЯНДОРЖ