ХХБ-наас 2 сая ам.доллар залилсан Б.Бямбадоржийг олсон хүнийг 20 сая төгрөгөөр ШАГНАНА

Худалдаа хөгжлийн банкны Шангрила дахь салбараас 2 сая ам.доллар буюу 5.7 тэрбум төгрөг залилсан ноцтой хэрэг 2021 оны тавдугаар сарын 25-нд гарсан. Залилан хэлбэрээр гүйлгээ хийгдсэн 2 сая ам.долларын 1.1 саяыг нь Улаанбаатар хотоос Ланд-крузер маркийн автомашин дотроос олсон бөгөөд үлдэгдэл валют олдоогүй гэх мэдээлэл бий. Тухайн этгээд нас барсан иргэний бичиг баримтыг хуурамчаар үйлдэж, гүйлгээг хийсэн аж.

Тухайн хэргийн гол сэжигтэн 34 настай Б.Бямбадорж бөгөөд 2019 онд ч мөн БНХАУ-ын иргэний данснаас 1.3 тэрбум, 2020 онд хуурамч бичиг баримтаар 99 сая төгрөг залилсан байна. Тэгвэл цагдаагийн байгууллагаас тухайн иргэнийг эрэн сурвалжилж, шагналд 20 сая төгрөгийг АМЛАЖЭЭ.

Б.БАЯРТ