Завхан аймгаас Улаанбаатарын чиглэлд зорчиж явсан автобус шатжээ

Завхан аймгаас Улаанбаатар хотын чиглэлд зорчиж явсан автобус шатжээ.

Тодруулбал, Архангай аймгийн Тариат сумын Тэрх багийн “Цагаан-Овоо” гэдэг газар /аймгийн төвөөс баруун хойд зүгт 160 км-т, сумын төвөөс баруун хойд зүгт 50 км-т/ энэ сарын 17-ны өдрийн 13:29 цагт автобус шатаж байна гэх дуудлагыг хүлээн авчээ.

Тус аймгийн Онцгой байдлын газрын Гал түймрийн улсын хяналтын байцаагч, Тариат сум дахь Цагдаагийн хэсгийн мөрдөгчид мөн өдрийн 17:50 цагт тухайн газарт очиж, нөхцөл байдалтай танилцсан байна. Иргэн А-ын “Аэробус” загварын аялалын зориулалтаар тохижуулсан автобус байжээ. Тухайн үед автобусанд найман зорчигч байсан бөгөөд гал гарах үед автобуснаас буусан байсан гэж Онцгой байдлын албанаас мэдээллээ.