ДОРНЫН ЗУРХАЙ: Өнөөдөр найр хурим хийх, бэр гуйхад сайн
Аргын тооллын 9 сарын 7, Буд гараг. Билгийн тооллын 12
НАМРЫН ТЭРГҮҮН ШАР БИЧ САРЫН ТАВАН ШАР ХАРАГЧИН ГАХАЙ ӨДӨР
- Үс засуулвал: Өвчин эмгэг ирнэ.
- Наран ургах, шингэх: 06.18-19.23
- Барилдлага: Идэр
- Шүтэн барилдлага: Хүрэлцэхүй
- Суудал: Хий
Яруу эгшигт одтой, харагчин гахай өдөр. Энэ өдөр хонь, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.
Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, нялхсын хурим хийх, сүм дуганыг сэргээх, огторгуйн үүдийг боох, их хүмүүнтэй уулзахад сайн. Газар ухах, худаг гаргах, гөлөг тэжээх, балгадын суурь тавих, нохой худалдан авахад муу.
Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагшаа мөрөө гаргавал зохистой. Үс шинээр үргээлгэх буюу засуулахад тохиромжгүй.
