ДОРНЫН ЗУРХАЙ: Өнөөдөр үс засуулахад тохиромжгүй

БИЛГИЙН ТООЛЛЫН 2 2022.09.27 / МЯГМАР ГАРАГ

НАМРЫН ДУНД ШАРАГЧИН ТАХИА САРЫН ГУРВАН ХӨХ ХАРАГЧИН ХОНЬ ӨДӨР

• Үс засуулвал: Хэл,ам,хэрүүл тэмцэл ирнэ
• Наран ургах, шингэх: 06.45-18.41
• Барилдлага: Хүчин төгсөх
• Шүтэн барилдлага: Сансар
• Суудал: Огторгуй

Энэ өдөр гахай, туулай жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, лус тахих, мал худалдан авах, мал түгээх, хийморийн дарцаг хатгахад сайн. Сахил санваар авах, хануур, төөнүүр хийлгэх, цөөрөм байгуулахад муу.

Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойшоо мөрөө гаргавал зохистой. Үс шинээр үргээлгэх буюу засуулахад тохиромжгүй.