ДОРНЫН ЗУРХАЙ: Үс шинээр үргээлгэх буюу засуулбал эд, эдлэл, идээ, ундаа олно

Аргын тооллын 10 сарын 18, Ангараг гараг. Билгийн тооллын 23

НАМРЫН ДУНД ШАРАГЧИН ТАХИА САРЫН ЕСӨН УЛААН МЭНГЭТЭЙ, ХӨХ ЛУУ ӨДӨР

• Үс засуулвал: Эд эдлэл идээ ундаа олдоно
• Наран ургах, шингэх: 07.15-17.59
• Барилдлага: Арвидах
• Шүтэн барилдлага: Хуран үйлдэхүй
• Суудал: Гал

Найралт эх одтой, хөх луу өдөр. Энэ өдөр хулгана жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, хишиг даллага дуудуулах, насан бүтээл хийлгэх, зэтгэрийг номхотгох, хөгжмийн зэмсэг урлах, хур оруулах, дархны үйлд сайн. Гүүр тавих, газар шороо ухахад муу.

Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойд зүгт мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олно.