Хэнтий аймгийн Онцгой байдлын газар “Хүүхдийн түр амрах өрөө”-тэй болжээ
Хэнтий аймгийн Онцгой байдлын газар дэргэдээ “Хүүхдийн түр амрах өрөө” тохижуулж, алба хаагчдын хүүхдүүдэд үйлчилж эхэлжээ.
Тухайлбал, Энэ хүрээнд Онцгой байдлын газар, Бор-Өндөр хот дахь Онцгой байдлын хэлтэс, Батноров сум дахь Гал түймэр унтраах, аврах 42 дугаар анги тус бүр “Хүүхдийн түр амрах өрөө”-г тохижуулж, алба хаагчдын хүүхдүүдэд үйлчилж эхэлсэн байна.
Ингэснээр бага насны хүүхдээ харгалзах хүнгүйгээр гэрт нь үлдээхгүй байх эрсдэлээс сэргийлэх, хүүхэд, эцэг эхийнхээ хараа хяналтад тоглож наадах эрхийг бий болгох, ажлын цагаар “хүүхдээ харах” тулгамдсан асуудлыг шийдвэрлэлээ гэж Хэнтий аймгийн Онцгой байдлын газраас мэдээллээ.
