Г.Занданшатар: Агаарын бохирдол, түгжрэлээс шалтгаалж дунд сургуулийн сурагчдыг 12, нэгдүгээр сард амраах санал ирсэн
УИХ-ын чуулганы нэгдсэн хуралдаанаар Улаанбаатар хотын замын хөдөлгөөний түгжрэлийг бууруулах, гэр хорооллыг орон сууцжуулах тухай хуулийн төслийг хэлэлцэж байна.
Чуулганы хуралдааны үеэр УИХ-ын дарга Г.Занданшатар түгжрэлтэй холбоотой иргэдээс санал ирсэн дараах саналыг хэллээ.
Тэрээр “Агаарын бохирдол, түгжрэлээс шалтгаалж, дунд сургуулийн сурагчдыг 12, нэгдүгээр сард амрааж, зун намрын улиралд шилжүүлэх хичээллүүлэхийг судалж үзвэл ямар вэ. Төрийн өмчит албан байгууллагын авто машины хэрэглээг хязгаарлах зэрэг санал иргэдээс ирж байна.
Энэ бүхнийг ажлын хэсэг судалж үзэх хэрэгтэй” гэв.
