Сүхбаатар дүүрэгт ариутгал халдваргүйтэл үргэлжилж байна

Сүхбаатар дүүргийн хэмжээнд урин дулааны улирал эхэлсэнтэй холбогдуулан хөрсний бохирдлыг бууруулах, элдэв халдварт өвчин үүсэхээс урьдчилан сэргийлэх зорилгоор гэр хорооллын айл өрх, нийтийн эзэмшлийн бохирдсон хөрстэй гудамж талбайг ариутгах ажил үргэлжилж байна. Өнөөдөр дүүргийн 14 дүгээр хороонд ариутгал хийж байгаа бөгөөд одоогийн байдлаар 800 айл өрхийн нүхэн жорлон, бохирын цооногийг ариутгаж, нийтийн эзэмшлийн 25000мкв талбайг ариутгаад байна. Ингэснээр дүүргийн хэмжээнд ариутган халдваргүйжүүлэх ажил эхэлснээс хойш нийт 9, 13, 14 дүгээр хорооны 2400 айл өрх, 67458мкв талбайг хамрууллаа.