Монгол бүсгүй Германд бүжгийн аварга боллоо
Герман улсад зохион байгуулагдсан бүжгийн аварга шалгаруулах тэмцээний хамтлаг бүжгийн төрөлд эх орноо төлөөлөн оролцож буй Н.Онондарь тэргүүтэй “Grun Gold” хамтлаг ялагч болжээ.
Тус улсад амьдардаг тэрбээр гурав дахь удаагаа аварга болж байгаа нь энэ аж.
Н.Онондарь нь бүжгийн спортоор дэлхийн аварга болсон Монголын анхны бүжигчин юм. Тухайлбал, 2018 онд БНХАУ-д, 2019 онд ХБНГУ-д болсон дэлхийн бүжгийн аварга шалгаруулах тэмцээнд тус тус түрүүлж байжээ.
