ӨНӨӨДӨР ОЛОН УЛСЫН ХҮНИЙ ЭРХИЙН ӨДӨР

12-р сарын 10 буюу өнөөдөр Олон Улсын Хүний Эрхийн өдөр 73 дахь жилдээ тохиож байна.

1948 онд НҮБ-ын Ерөнхий Ассамблей Хүний эрхийн түгээмэл тунхаглалыг (UDHR) баталжээ. Хүний эрхийн түгээмэл тунхаглал нь арьсны өнгө, шашин шүтлэг, хүйс, хэл, улс төр, үндэс угсаа, гарал үүсэл, гарал үүслээс үл хамааран хүн бүрийн эдлэх ёстой эрхийг тунхагласан чухал баримт бичиг юм. Хүний Эрхийн Тунхаглал нь 500 гаруй хэлээр орчуулагдсан буюу дэлхийн хамгийн олон хэл дээр орчуулагдсан баримт бичиг болжээ.

Энэ өдрөөс хойш жил бүрийн 12-р сарын 10-ныг “Олон Улсын Хүний Эрхийн Өдөр” хэмээн тэмдэглэх болсон байна.