Нохой эзнийхээ үнэрээр нь хэр их ууртай байгааг мэдэрч чаддаг

Нохойнууд өөрийн ертөнцийг үнэрээр дамжуулж мэддэг. Тэдний үнэрийг өндөр мэдрэмтгий илрүүлэх чадварыг аль хэдийн хар тамхи, дэлбэрэх бодис, хавдар, чихрийн шижин, Ко-вид гэх мэт архаг өвчнийг илрүүлэхэд ашигладаг билээ. Тэгвэл эрдэмтэд судалгаа явуулж нохойнууд эзнийхээ хөлс болон үнэрээр нь хэр их ууртай, стресстэй байгааг нь олж мэдэх боломжтой талаар илрүүлсэн байна.

Бэлтгэгдсэн дөрвөн нохой 700 гаруй үнэр болон хөлс агуулсан дээжийн савнаас 650-д нь тухайн хүн ууртай стресстэй байгааг зөв илрүүлсэн тухай судалгааны материал “Queen Belfast” их сургуулийн “Plos One” сэтгүүлд нийтлэгдсэн байна. Энэхүү судалгааны ажил нь сэтгэл судлаачдад эмчилгээний нохойг сургахад тусална гэдэгт итгэж байна.Судалгааны багийн ахлагч Клара Вильсон “ВВС” агентлагт “Нохойнууд хүнээс ямар нэгэн эмгэг, өвчинтэй холбоотой үнэрийг ялгаж чаддаг гэдгийг нотлох олон судалгааны материал бидэнд байсан боловч бидний сэтгэлзүйн байдлаас хамааран ялгаатай үнэрийг мэдэрч чаддаг гэсэн нотолгоо бидэнд олдохгүй байна” гэж мэдээлэв.