ДОРНЫН ЗУРХАЙ: Энэ өдөр нохой жилтнээ аливаа үйлийг хийхэд эерэг сайн
Аргын тооллын 2 сарын 1, Буд гараг. Билгийн тооллын 11
ӨВЛИЙН АДАГ ХАРАГЧИН ҮХЭР САРЫН ХОЁР ХАР МЭНГЭТЭЙ, ЦАГААН БАР ӨДӨР
- Үс засуулвал: Эрхтэн хурц болно.
- Наран ургах, шингэх: 08.20-17.51
- Барилдлага: Үл зохилдох
- Шүтэн барилдлага: Төрөхүй
- Суудал: Төмөр
Гөрөөсөн толгой одтой, цагаан бар өдөр. Энэ өдөр нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.
Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хараал, жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, бомбын үйл, бэрийн үйлд муу.
Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал эрхтэн хурц болно.
