ДОРНЫН ЗУРХАЙ: Энэ өдөр хишиг дуудуулах сайн

ӨВЛИЙН АДАГ ХАРАГЧИН ҮХЭР САРЫН НАЙМАН ЦАГААН МЭНГЭТЭЙ ХАР БАР ӨДӨР

• Аргын тооллын: 2023.02.13 / Даваа гараг
• Билгийн тооллын: 23
• Үс засуулвал: Эд эдлэл идээ ундаа олдоно
• Наран ургах, шингэх: 08.03-18.10
• Барилдлага: Үхэх
• Шүтэн барилдлага: Хүрэлцэхүй
• Суудал: Мод

Энэ өдөр морь, нохой жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, сан тавиулах, угаал үйлдэх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлцлээ буцаахад сайн. Золиг гаргах, бомбын үйл, сэтгэлд сэвтэй газар очих, хүүхэд хөлд оруулахад муу.

Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойд зүгт мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олно.