Хоёр сарын хүүхдийн мөнгийг энэ долоо хоногт олгоно

Сар шинийн баяртай холбогдуулан хүүхдийн мөнгө, насны хишиг, тэтгэвэр зэргийг цагаан сарын өмнө олгоно хэмээн Сангийн сайд мэдээлж байсан.

Тэгвэл ахмад настнуудын гуравдугаар сарын 1-ний тэтгэврийг өнөөдрөөс буюу хоёрдугаар сарын 14-нд олгохоор болжээ. Мөн хүүхдийн мөнгөн тэтгэмжийг сар бүрийн 20-нд олгодог бол энэ хугацааг хоёрдугаар сард 14-ний өдөр болгож урагшлуулсан байна. Сар шинийн баярыг угтан ахмад настнуудад насны хишиг, эхийн алдарт одонгийн мөнгө олгодог. Энэ тэтгэмжийг мөн энэ сарын 14-нд олгох хуваарь гарчээ.