Маргааш төв талбай, үндэсний цэцэрлэгт хүрээлэнд хүүхдэд зориулсан асрууд ажиллана
Олон улсын хүүхдийн эрхийг хамгаалах эрхийн өдрөөр худалдаа үйлчилгээний ямар арга хэмжээ зохион байгуулах талаар УБЗАА-наас мэдээлэл өглөө.
Улаанбаатар хотын Захирагчийн ажлын албаны хүнс, худалдаа үйлчилгээний хэлтсийн мэргэжилтэн Н.Бумцэнд “Олон улсын хүүхдийн эрхийг хамгаалах өдөр буюу зургаадугаар сарын 1-нд Сүхбаатарын талбай дээр 20 асарт хүнс, зайрмаг, хүүхдийн тоглоомын худалдааг зохион байгуулна.Явуулын үйлчилгээтэй түргэн хоолны 13 цэг ажиллана.Хүүхдийн урлан бүтээх төвийн гадна талбайд худалдаа үйлчилгээний таван газар гарна” гэв.
Мөн Хүүхдийн ордны хойд талд 20 асарт хүнсний худалдаа үйлчилгээ гарна.Үндэсний цэцэрлэгт хүрээлэнд хүнс, зайрмаг, хүүхдийн тоглоомын 40 асар гаргажээ. Үндэсний соёл амралтын хүрээлэнд худалдаа үйлчилгээний 20 цэг ажиллана.Эдгээр газарт тавдугаар сарын 30-ны өдөр хүнс болон хүүхдийн аюулгүй байдлыг хангах чиглэлээр сургалт зохион байгуулсан аж.
