ДОРНЫН ЗУРХАЙ: Энэ өдөр үхэр, могой жилтнээ аливаа үйлийг хийхэд эерэг сайн

НАМРЫН АДАГ ХАР НОХОЙ САРЫН НЭГ ЦАГААН МЭНГЭТЭЙ ЦАГААГЧИН ТАХИА ӨДӨР

• Аргын тооллын: 2023.10.30, Даваа гараг
• Билгийн тооллын: 17
• Үс засуулвал: Өнгө зүс доройтно
• Наран ургах, шингэх: 07.33-17.39
• Барилдлага: Үхэх
• Шүтэн барилдлага: Авахуй
• Суудал: Шороо

Энэ өдөр үхэр, могой жилтнээ аливаа үйлийг хийхэд эерэг сайн.

Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, хагалгаа хийлгэх, буг дарах, газрын ам бооход сайн. Мод суулгах, нарийн чанд зөвлөгөөн хийх, байшингийн суурь тавих, угаал үйлдэхэд муу.

Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойд зүгт мөрөө гаргавал зохистой.

Тэрсүүд өдөр. Үс шинээр үргээлгэх буюу засуулахад тохиромжгүй.