Ж.Ганбаатар: Улаанбаатар хотоос хөдөө орон нутаг руу дамлан зарах зориулалттай дизель түлш гаргахыг хориглосон

УУХҮ-ийн сайд Ж.Ганбаатар шатахууны асуудалтай холбоотойгоор мэдээлэл хийж байна.

УУХҮ-ийн сайд Ж.Ганбаатар “Сүүлийн гурав хоногт АИ92 бензинийг авахаар иргэд дугаарлаж, их хүндрэл үүслээ.

Манай улс АИ92 бензиний 90%-ийг ОХУ-ын Ангарскийн үйлдвэрээс авдаг. Уг үйлдвэрээс ачигдсан газрын тосны бүтээгдэхүүн хамгийн хурдан буюу 4-5 хоногийн дотор Монголд ирдэг. Бусад үйлдвэрүүдээс ачигдсан бүтээгдэхүүн 21 хоног болон заримдаа нэг сар гаруй болж ирдэг.

Өнөөдрийн байдлаар Ангарскийн үйлдвэрээс 18,000 тонн АИ92 бензин ачигдсан. Зарим нь Монголд ирсэн байна. Цаашид дизель түлш болон, АИ92 бензиний үнэ нэмэгдэхгүй. Дэлхийн зах зээл дээр нэг баррель нь 70 доллароос доош унасан.

Роснефтээс АИ92 бензинийг нэг тонныг нь 705 доллароор авах таван жилийн хатуу гэрээтэй. Энэ жилийн гэрээгээ сунгасан. Болж өгвөл иргэд оочер дараалал үүсгэхгүй байхыг хүсэж байна. Бүх хүн машины бакаа дүүргэж авах нөөц байхгүй. Ойрын хоёр, гурав хоногт нөөцийг бүрдүүлнэ. Бензиний нийлүүлэлтийг таслахгүй.

БНХАУ-аас сайн чанарын евро-5 ангиллын 92 бензин 15,000 тонныг захиалсан. ОХУ-ын Газпром, Нефть хими сервис компаниудаас арай үнэтэй бензин захиалж байна. Импортлогч ААН-үүдэд үнэтэй ч хамаагүй стандарт сайтай бензин авах шахалт үзүүлж байгаа. Улсад шатахууныг нөөцөлдөггүй. Онцгой байдлын журмаар нөөц бий байх, үүнийг Шадар сайд мэднэ.

Шунхлай, Петровис хоёр өөр үнэтэй 92 бензин зарж байгаа. Орос, евро стандартын бензинийг 2,300, 3,000-аар зарж байгаа”