Сонгинохайрхан дүүрэгт ТҮЦ шатжээ

Улаанбаатар хот, Сонгинохайрхан дүүрэг. 33 дугаар хороо, Сургуулийн 1 дүгээр гудамжинд Түргэн үйлчилгээний цэг шатаж байна гэсэн дуудлагыг 02.26-ны өдрийн 15:18 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчид 10.5 км замыг туулан 15:33 цагт очиход иргэн А-ийн 4х6 метрийн хэмжээтэй түргэний үйлчилгээний цэг шатаж байсныг 30 минут ажиллаж унтраасан.

Өнгөрсөн хоногт /2024.02.26/ ахуйн гал түймрийн найман тохиолдол бүртгэгдэв. Нийт тохиолдлын 50 хувийг байшин, гэр шатсан дуудлага эзэлж байна. Хүн бүр гал түймрийн аюулаас урьдчилан сэргийлж эрүүл мэнд, эд хөрөнгөө хамгаалъя.