Талын салхи” олон улсын мото наадамд 7 улсын 1200 орчим мотоцикл сонирхогчид оролцож байна

“Талын салхи” олон улсын мото наадам ес дэх жилдээ болж байна. Мото наадамд оролцогчид Д.Сүхбаатарын талбайд цуглан нээлтэд оролцож, нэгдсэн байдлаар цуваагаар хөдлөн, Чингис хааны хөшөөт цогцолбор руу хөдөлсөн юм.

Энэ удаагийн мото наадамд Монгол Улсаас 30 мото клубийн 1200 орчим мотоцикл сонирхогчид, БНХАУ-ын 70, ОХУ-ын 200, БНСУ-ын 10, Малайз, Вьетнам болон АНУ зэрэг улсын мото сонирхогчид оролцож байна.

Хоёр өдөр үргэлжлэх мото наадмыг Нийслэлийн Аялал жуулчлалын газар болон “Скаллс” мото клуб хамтран зохион байгуулж байна. Энэ үеэр энтертайнмент шоу арга, хоолны асар, уух зүйлс, худалдаа үйлчилгээ, хөгжөөнт тоглоом, спорт тэмцээн болно.