С.Чулуун “Чингис хаан” музейн захиралд томилогдоно

Энэ онд ашиглалтанд орохоор зэхэж буй “Чингис хаан” хаад язгууртны музейн захирлаар Соёлын сайд асан С.Чулууныг томилохоор болжээ.

Тодруулбал, өнгөрөгч долоо хоногт Соёлын сайдын зөвлөлийн хурлын үеэр ийнхүү хэлэлцсэн байна.

“Чингис хаан” музей нь 67.8 тэрбум төгрөгөөр төсөвлөн барьж байгаа билээ. Энэ нь Монголын түүхийн судалгаа сургалт, соён гэгээрлийн цогцолбор байх бөгөөд соёлын хосгүй үнэт дурсгал, дэлхий даяар тархсан монголчуудын түүхийн их өвийг дэлгэх юм. Төрийн тахилгат 10 уул, их гол мөрөн, нуурын рашаан усны дээжис, 21 аймгаас залж авчирсан үнэртний дээжис зэргийг хүндэтгэн залж, шүншгийг бэлджээ.