Америкчуудын 54 хувь Байдены ОХУ-ын эсрэг тавьсан хориг хангалттай хатуу биш гэж бодож байна

Олон Америкчууд Жо Байден ОХУ-тай хангалттай хатуу ярьж чадахгүй байна хэмээж бодож байгаа аж. “The Associated Press” болон Олон нийттэй харилцах төвийн хамтран явуулсан судалгаанд Америкчуудын 54 хувь Байдены ОХУ-ын эсрэг авч буй арга хэмжээ хангалттай хатуу биш гэж бодож байна хэмээн хариулжээ. Харин судалгаанд оролцсон хүмүүсийн 34 хувь нь Байден тунг нь тааруулж арга хэмжээ авсан гэж хариулсан бол 8 хувь хэтэрхий хатуу хориг тавьсан гэж үзсэн байна.

Өнгөрсөн сард Америкчуудын 40 хувь нь АНУ-ыг Украины дайнд голлох үүрэг гүйцэтгэх ёстой гэж үзэж байсан бол энэ сард тус үзүүлэлт 32 хувь болж буурчээ. Харин судалгаанд оролцсон хүмүүсийн 49 хувь АНУ дайнд бага үүрэг гүйцэтгэх хэрэгтэй гэж үзэх болсон байна. Одоогийн байдлаар АНУ Украинд 2 тэрбум гаруй ам.долларын үнэ өртөг бүхий зэр зэвсэг тусламжаар илгээгээд байгаа юм.

Эх сурвалж: Newsmax

Б.БУЯНДОРЖ