Өчигдөр КОВИД 19-ийн ХОЁР эндэгдэл бүртгэгдлээ

Манай улсад сар гаруй хугацааны дараа коронавируст халдварын эндэгдэл дахин бүртгэгдлээ.

Тодруулбал,  өчигдөр уг өвчний халдвараар 61-80 гаруй насны хоёр хүн нас барсан.  Тухайн иргэд нь коронавирусийн халдвараас гадна архаг суурь өвчин хавсарсан байсан гэж Эрүүл Мэндийн Яамнаас мэдээллээ.

Ингэснээр COVID-19 халдвараар өвчлөөд эндсэн хүний тоо 2,241-д хүрэв. Үүнээс 2,110 хүнийг уг өвчний хүндрэлээр эндсэн гэж ЭМЯ-наас мэдээлж байгаа бол 131 хүнийг бусад шалтгаанаар нас барсан гэж үзэж байгаа юм.

Г.ОЮУНТУЯА