УИХ-ын гишүүн Д.Ганбат намрын чуулганы нээлтийг үймүүлэв

УИХ-ын 2022 оны намрын ээлжит чуулган өнөөдөр нээлтээ хийлээ. Чуулган нээхээс өмнө УИХ дахь АН-ын гишүүн Д.Ганбат үймээн тарив.

Тэрбээр чуулганы танхимд микрофонгүй орилж, өөрийн гишүүний үнэмлэхийг УИХ-ын даргын ширээн дээр аваачиж тавиад гарав.

Чуулганы нээлтээс гарч ирээд мэдээлэл хийхдээ “Энэхүү үйлдлээрээ УИХ УИХ биш болсныг,  хууль тогтоох байгууллага гүйцэтгэх байгууллагад хамаг юмаа шилжүүлээд хяналт тавих ямар ч боломжгүй байна гэдгийг илэрхийлсэн” гэлээ.