ЗГ: Зүүн аймгуудын цаг агаарын аюулт үзэгдлийн талаар хэлэлцэнэ

Засгийн газрын ээлжит хуралдаан эхэллээ. Өнөөдрийн хуралдаанаар төсөвт тодотгол хийх асуудлыг хөндөж магадгүй байна. Учир нь өнгөрөгч даваа гаригт МАН-ын бүлгийн хурлаар Сангийн сайд Б.Жавхлан, Хөдөлмөр нийгмийн хамгааллын сайд Х.Булгантуяа нар оролцож, цалин тэтгэвэртэй холбоотой танилцуулгыг хийсэн байна.

ӨНӨӨДӨР ХЭЛЭЛЦЭХ АСУУДЛУУД:

• Дорнод, Сүхбаатар, Хэнтий аймагт болсон цаг агаарын аюулт үзэгдлийн талаар
• “Эмээлт эко аж үйлдвэрийн паркын талаар авах зарим арга хэмжээний тухай” Засгийн газрын тогтоолын төсөл
• “МИАТ ТӨХК-ийн орон нутгийн чиглэлд нислэг үйлдүүлэх талаар авах арга хэмжээний тухай” Засгийн газрын тогтоолын төсөл
• “Насан туршийн суралцахуйг хөгжүүлэх зарим арга хэмжээний тухай” Засгийн газрын тогтоолын төсөл
• “Мэргэжлийн боловсрол сургалтын байгууллагын мэргэжлийн өөрийн өртгийг үндэслэн тогтоосон нэг сурагчид ногдох хувьсах зардал, аргачлал батлах тухай” Засгийн газрын тогтоолын төсөл зэрэг 33 асуудал хэлэлцэх болон танилцахаар төлөвлөөд байна.