Канадад болсон олон зуун ойн түймэр 600 сая орчим тонн СО2 ялгаруулжээ

Канад даяар дэгдээд байгаа ойн түймрүүдийн улмаас нүүрстөрөгчийн давхар исэл ялгарч, аюултай түвшинд ирсэн талаар Европын Холбооны судлаачид мэдээллээ.

Тавдугаар сараас эхэлсэн олон зуун ойн түймэр 600 сая орчим тонн СО2 ялгаруулжээ. Энэ нь 2021 онд Канадын бүхий л эх үүсвэрээс гарсан хүлэмжийн хийн 88 хувьтай тэнцэж байна.

Тодруулбал, нийт нүүрстөрөгчийн давхар ислийн ялгарлын тэн хагас нь зөвхөн зургаадугаар сард ялгарсан байна.