“Дэлхийн гоо бүсгүй 2023” тэмцээнд Б.Болор оролцохоор болжээ

“Дэлхийн гоо бүсгүй 2023” шалгаруултанд 23 настай Б.Болор Монгол улсаа төлөөлөн оролцохоор болжээ. Тэрбээр “Miss world Mongolia 2023” үндэсний шалгаруулалтанд тэргүүн байр эзэлж энэхүү эрхийг авчээ.

Б.Болор нь 2018 онд Монгол улсын Консерватори, 2023 онд Соёл урлагийн их сургуулийг бүжиг дэглээч мэргэжлээр төгссөн, мэргэжлийн бүжигчин юм. 2023 оны Дэлхийн гоо бүсгүй шалгаруулалт ирэх арванхоёрдугаар сарын 16-нд Энэтхэгийн нийслэл Шинэ Дели хотод болно. Шалгаруулалтад 130 орны гоо бүсгүй оролцохоос одоогоор 101 улсын гоо бүсгүй оролцохоор нэрс нь баталгаажжээ.